O Olho da História Laboratório de Reflexão Transdisciplinar
É innegable a sorpresa, o desconcerto e as improvisadas reaccións que provoca a irrupción de Podemos, fóra dos medios sociais e dixitais que lle dan vida, e o seu continuado ascenso nas sondaxes de opinión. A razón é que non acaba de comprenderse, na miña opinión, que é máis consecuencia que causa. É coma se mirase o dedo e non o que sinala: os cambios -para nada conxunturais- económicos e sociais, de mentalidade e actitude política que está a experimentar a España do século XXI.
Visto en perspectiva histórica destacariamos ao respecto dúas novidades interrelacionadas: a metamorfose dun movemento social en forza política e a fractura crecente do pacto social e territorial xurdido na transición á democracia 1977-1981.